अख्तियार दुरुपयोग अनुसन्धान आयोगले विशेष अदालतको फैसला उपर सर्वोच्चमा निवेदन दिएको छ । विभिन्न मितिमा फैसला भएका मध्ये राजस्व चुहावट गरी भ्रष्टाचार गरेको सम्बन्धी मुद्दामा आयोगलाई चित्त नबुझी सर्वोच्चमा आज निवेदन दिएको हो । सो मुद्दामा उपसचिव (कानून) सपना अधिकारी, राम प्रसाद घिमिरेसमेत २६ जना तथा सिद्धार्थ मिनरल्स, मारुती सिमेन्टस , अन्नपूर्ण क्वेरिज ,सोनापुर मिनरल्स एण्ड आयल, सर्वोत्तम सिमेन्ट , युनाइटेड सिमेन्ट., उदयपुर मिनरल्स, कन्चन क्वेरिज र डोलोमाइट चुनढङ्गा उद्योग प्रतिवादी छन् ।
घिमिरेले राजस्व चुहावट गरी चुनढुङ्गा–सिमेन्ट कम्पनीहरूलाई फाइदा र नेपाल सरकारलाई एक अर्ब चौबिस करोड पैँतालिस लाख छब्बीस हजार छ सय त्रिचालीस रुपैयाँ हानि नोक्सानी पु¥याएको अख्तियारको दाबी छ । जयराज घिमिरे र उपसचिव अधिकारी समेतले गलत प्रतिवेदन र टिप्पणी राय समेत दिई राजस्व चुहावट गरी चुनढुङ्गा–सिमेन्ट कम्पनीहरूलाई फाइदार नेपाल सरकारलाई एक अर्ब चौबिस करोड पैँतालिस लाख छब्बीस हजार छ सय त्रिचालिस रुपैयाँ हानि नोक्सानी पु¥याई भ्रष्टाचार गरेको आरोप उनीहरूमाथि छ ।
