सिन्धुपाल्चोकको घुमाउने डाँडामा सवारी दुर्घटना हुँदा २ जनाको ज्यान गएको छ । दुर्घटनामा घाईते भएकाहरुको उपचारको क्रममा धुलिखेल अस्पतालमा मृत्यु भएको हो ।

सिन्धुपाल्चोक चौतारा साँगाचोकगढी नगरपालिका–९ घुमाउने डाँडास्थित अरनिको राजमार्गमा खाडिचौरबाट बन्देउ तर्फ जाँदै गरेको ना.८ ख ३७६ नं.को पेट्रोल बोक्ने ट्याङकरले बिपरित दिशाबाट आउँदै गरेको बा.प्र.०२.०३१ प ५९७६ नम्बरको मोटरसाईकललाई ठक्कर दिँदा मोटरसाईकल चालक जिल्ला सिन्धुपाल्चोक पाँचपोखरी थाङपाल गाउँ पालिका १ बासखर्क बस्ने अन्दाजी २७ वर्षको समीर तामाङ र मोटरसाईकल पछाडी सवार मेलम्ची नगरपालिका ११ जरायोटार पाण्डेगाउँ बस्ने वर्ष २७ को नबिन पाण्डे गम्भीर घाईते भई तत्काल उद्धार गरी उपचारको लागि धुलिखेल अस्पतालमा पठाईएकोमा उपचारको क्रममा अस्पतालमा दुबै जनाको मृत्यु भएको प्रहरीले जनाएको छ ।

ठक्कर दिने ट्याङकर र चालक जिल्ला मकवानपुर थाहा नगरपालिका–१२ बस्ने वर्ष २८ का भीम बहादुर तितुङलाई नियन्त्रणमा लिई थप अनुसन्धान गरिरहेको प्रहरीले जनाएको छ ।