सेती प्रादेशिक अस्पतालमा एक नवजात शिशुको मृत्यु भएको छ। धनगढी उपमहानगरपालिका वडा नम्बर ९ बंग्राकटानकी २४ बर्सिया तारा विकले जन्माएको शिशुको मृत्यु भएको हो। अप्रेसनका क्रममा चिकित्सकको लापरबाहीका कारण नवजात शिशुको मृत्यु भएको आफन्तहरूको दाबी छ ।

अप्रेसनका क्रममा शिशुको मृत्यु भएपछि आमाका पेटमा टाँका समेत नलगाएर डाक्टर फरार भएको सुत्केरीका आफन्त सिता बिकले आरोप लगाएक छन ।मङ्गलवार बिहान ७ बजे हामी अस्पताल गएका बच्चा र आमाको अवस्था ठिक छ भनेर अस्पतालले भर्ना लियो । राती ९ बजे सम्म पनि चिकित्सकहरूले सामान्य डेलिभरी भइहाल्छ भनेर वास्ता नगरेकोे राती १बजे अप्रेसनका क्रममा शिशुको मृत्यु भएपछि सुत्केरी ताराको पेट काटिएकै छोडेर डाक्टर अस्पतालबाट फरार भएको आफन्त सिता बिकले बताईन।

अस्पताल प्रशासनले भने घटनापछि चिकित्सकहरू फरार नभएको दाबी गरेको छ । सुत्केरीका आफन्तहरू आक्रामक शैलीमा कुटपिटमा उत्रिएपछि चिकित्सकहरू क्वाटरमा बसिरहेको अस्पतालका मेडिकल सुपरिटेन्डेन्ट डाक्टर शेर बहादुर कमरले बताए ।

मेसिनबाट जाँच गर्दा आमा र बच्चाको अवस्था ठिक थियो । नर्मलडेलीभरीमा समय लागेपछि राती सिएस् गर्दा बच्चा मृत निस्किएको उनको भनाई छ। सुत्केरीका आफन्तहरूले लापरबाही गर्ने चिकित्सहरुमाथी कारबाही र पीडितलाई क्षतिपूर्तिको माग गरेका छन् ।