काठमाडौं । आइसीसी क्रिकेट वर्ल्ड कपअन्तर्गत लिग टू को पहिलो खेल नेपालमा हुने भएको छ ।
फागुन ५ बाट सुरू हुने सिरिजमा नेपालले नेदरल्यान्ड्स र नामिबियासँग दुई–दुई खेल खेल्नेछ । नेपाल क्रिकेट संघ (क्यान)ले फागुनमा नेपाल, नेदरल्यान्ड्स र नामिबिया सम्मिलित सिरिज हुने जानकारी दिएको हो । सन् २०२७ सम्म चल्ने लिग टू को खेलमा नेपालले युएई, ओमान, स्कटल्यान्ड, नेदरल्यान्ड्स, नामिबिया, अमेरिका र क्यानडासँग खेल्नेछ ।
यसअघि लिग टूको खेलमा नेपालले उत्कृष्ट पुनरागमन गर्दै विश्वकप क्वालिफार्यस खेलेको थियो ।
