अर्घाखाँची- अर्घाखाँचीको शितगंगामा भएको सडक दुर्घटनामा एक जनाको मृत्यु भएको छ । एक जना घाइते भएका छन् । शितगंगा नगरपालिका १४, जलुकेपानीमा लु २ च ७९३२ नम्बरको सिङ्गल क्याप जीप र लु ६ प ७९३१ नम्बरको मोटरसाईकल ठोक्किंदा मोटरसाइकल चालक कपिलवस्तु सुद्धोदन गाउँपालिका निवासी २८ वर्षिय नियाज मुसलवानको घटनास्थलमै ज्यान गएको इलाका प्रहरी कार्यालय ठाडाका प्रहरी नायव निरिक्षक शालिकराम खनालले बताए ।
दुर्घटनामा जीप चालक रुपन्देही लुम्बिनी सांस्कृतिक नगरपालिकाका २६ वर्षिय सनिउल्लाह थकिर घाईते भएका छन् । उनको उपचार भैरहेको छ । जिपको ब्रेक फेल हुँदा दुघटना भएको प्रहरीको प्रारम्भीक अनुसन्धान छ । घटनाको थप अनुसन्धान भइरहेको प्रहरीको भनाइ छ ।
