काठमाडौं । डोटीमा आज बिहान भएको सवारी दुर्घटनामा दुई जनाको मृत्यु भएको छ ।
मृत्यु हुनेमा दार्चुलाको लेकम गाउँपालिका–४ की ४० वर्षीया धौलीदेवी भट्टराई र सोही वडाकी तीन वर्षीया रितिका पार्की रहेकी छिन । दार्चुलाबाट धनगढीतर्फ आइरहेको सुदूरपश्चिम प्रदेश ०१–००१ ज १४८९ नम्बरको जिप भीमदत्त राजमार्ग अन्तर्रगत जोरायल गाउँपालिका–१ खडिनामा दुर्घटना भएको हो । दुर्घटनामा परि सात जना घाइते भएका छन् । घाइतेहरुको स्थानीय स्वास्थ्य चौकीमा उपचार भइरहेको छ ।जिप दुर्घटनाको कारण भने खुलेको छैन ।
