काठमाडौं । क्यानडालाई २–० गोलले हराउँदै अर्जेन्टिना कोपा अमेरिकाको फाइनलमा प्रवेश गरेको छ । अमेरिकाको मेटलाइफ स्टेडियममा आज विहान भएको खेलमा क्यानडालाई हराएको हो ।
पहिलो हाफको २२औँ मिनेटमा जुनियल अल्भारेजले गोल गर्दै अग्रता अर्जेन्टिनालाई अग्रता दिलाएका थिए । पहिलो हाफमा १–० को अग्रता बनाएको अर्जेन्टिनाले ५१औँ मिनेटमा लियोनल मेस्सीले दोस्रो गोल गरेपछि अर्जेन्टिना १६औं उपाधि नजिक पुगेको हो । मेस्सीको यो पहिलो गोल हो ।
कोलम्बिया र उरुग्वेको विजेतासँग उपाधिका लागि अर्जेन्टिना भिड्ने छ ।
