गोरखा । गोरखाको धार्चे गाउँपालिका–५ सिङग्लामा पहिरोले पुरिँदा ५ जना बेपत्ता भएका छन् । बिहान करिब ३ बजे गएको पहिरोले स्थानीय जीतबहादुर गुरुङको घर पुरिएको हो । घटना दुर्गम स्थानमा भएकोले

प्रहरी टोली गोरखा लाप्राक र माछाखोलाबाट घटनास्थलतर्फ जाँदै गरेको जिल्ला प्रहरी कार्यालय गोरखाका डीएसपी रमेशकुमार श्रेष्ठले जानकारी दिनुभएको छ । घटनास्थलसम्म पुग्न ४ घण्टा पैदल हिड्नु पर्ने भएकोले उद्दारमा केही ढिलाई भइरहेको उहाँ बताउनु हुन्छ ।

घटनाको थप विवरण आउन बाँकी छ ।