काठमाडौं । सेन्ट्रल एसिया भलिबल एशोसिएसन (काभा) महिला भलिबल नेसन्स लीगमा नेपालले भारतको सामना गर्दैछ । नेपालले आफ्नो पहिलो खेलमा श्रीलंकालाई २५–१९, २५–१८, २५–१९ ले हराएको थियो ।

भारत लगातार तेस्रो दिन कोर्टमा उत्रन लाग्दा नेपालको भने दोस्रो खेल हो । शुक्रबारको खेलमा भारतले माल्दिभ्सलाई ३–० को सोझो सेटमा पराजित गरेको थियो । प्रतियोगितामा नेपाल, भारत, इरान, श्रीलंका र माल्दिभ्स प्रतिस्पर्धा गरिरहेका छन् ।

प्रतियोगिता दशरथ रंगशालास्थित कभर्ड हलमा साउन २३ गतेसम्म चल्नेछ ।