काठमाडौं । देशभर अधिकांश स्थानमा आंशिकदेखि साधारणतया बदली रहने छ । मौसम पूर्वानुमान महाशाखाले विहान कोशी र लुम्बिनीका केही तथा बाँकी प्रदेशका थोरै स्थानमा हल्कादेखि मध्यम वर्षा भइरहेको जनाएको छ ।

दिउँसो देशभर आंशिकदेखि साधारणतया बदली रहने छ । बागमती, गण्डकी, कोशी, लुम्बिनी, सुदूरपश्चिमका केही प्रदेश तथा मधेश र कर्णाली प्रदेशका केही स्थानमा मेघगर्जन र चट्याङसहित मध्यम वर्षा हुनेछ । कोशी, गण्डकी, लुम्बिनी र सुदूरपश्चिम प्रदेशका एकदुई स्थानमा भारी वर्षाको सम्भावना रहेको महाशाखाले जनाएको छ । कोशी प्रदेशका एकदुई स्थानमा भारी वर्षा हुने विभागले जनाएको छ ।

राति देशभर आंशिकदेखि साधारण तया बदली रहने छ । कोशी, बागमती, गण्डकी प्रदेशका केही स्थान तथा बाँकी प्रदेशका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेको छ ।