काठमाडौं । फिल्म हामी तीन भाईको पोस्टर सार्वजनिक गरिएको छ । प्रस्तुतकर्ता साजित महतले फिल्मको टिजर आउनु अगाडी पोस्टर सार्वजनिक गर्नुभएको हो । महतले फिल्म पारिवारिक, सामाजिक कथा बस्तुमा आधारित रहेर बनेको बताउनु भएको छ ।

सार्वजनिक पोस्टरमा विनोद न्यौपाने, कुशल विष्ट, फलित राई, लक्ष्मी बर्देवा, जान्वी बस्नेत, आश्मा गिरी, रविन्द्र झा र राजाराम पौडेल फिचर्ड छन् । सामाजिक र पारिवारिक कथा बस्तुलाई समेटिएर बनाइएको हुनाले पोस्टरमा देखिएका सबै कलाकार सेन्टिमेन्टमा देखिन्छन् । फिल्ममा शुष्मा निरौला, विष्णु सापकोटा (हर्के हल्दार), यादव देवकोटा, तारा शर्मा, पवन केसीलगायतको अभियन रहेको छ ।

हामी तीन भाईको कार्यकारी निर्माता विक्रम तामाङ रहेका छन् कथा निर्देशन मधुसुदन भट्टराईको रहेको छ । त्रिरत्न श्रेष्ठ र मनोज श्रेष्ठ फिल्मको निर्माता हुन् । भक्तलाल श्रेष्ठ, प्रतिमा थापा पोखरेल, दुर्गा पाण्डे फिल्मको सहनिर्माता रहेका छन् । फिल्मको विशेष सहयोगीमा शम्भुकुमार केसी रहेका छन् ।

फिल्ममा शिवम् अधिकारीको पटकथा÷संवाद, शिव ढकाल छायांकन, साप शक्ति र बाबुल गिरीको संगीत, कविराज गहतराज नृत्य, देव महर्जनको एक्सन, गीतकार सुलभमणि सापकोटा, मुकेश शाह मिक्सिङको रहेको छ भने पाश्र्व संगीत सम्राट थापाले गरेका छन् । साथै फिल्मको मुख्य सहायक निर्देशक रामजी राउत र ज्ञानकुमार कट्टेल रहेका छन् ।

फिल्मको पोस्टर सार्वजनिक गरिए पनि प्रदर्शन मिति भने छिट्टै तय गर्ने निर्माण पक्षले जनाएको छ ।