सुर्खेत । कालिकोटको पलाँता गाउँपालिका–३ राडूनेटामा भएको जीप दुर्घटनाका मृतक ६ जनाकै सनाखत भएको छ । मृत्युहुनेमा पलाँता गाउँपालिका–५ का पदम वम, छायाँ शाही, वडा नम्बर ३ की दमन रोकाय, वडा नम्बर ६ की कुशलकला शाही, भगवती रोकाय र गणेश शाही रहेको प्रहरीले जनाएको छ ।
यस्तै दुर्घटनामा घाइते जनालाई नेपाली सेनाको हेलिकोप्टरबाट सुर्खेतको प्रदेश अस्पताल लगिएको छ । प्रहरीले जीपमा १९ जना सवार रहेको जनाएको छ ।
कर्णाली प्रदेश ००१ ज ५६ नम्बरको जीप कालिकोटको पलाँता–३ राडूनेटामा दुर्घटना भएको थियो ।
