उदयपुरको चौडण्डीगढी नगरपालिका–९ स्थित भिमामा कारको ठक्करबाट एक जनाको मृत्युभएको छ ।
मदनभण्डारी राजमार्गको गाईघाट–चतरा सडकखण्डको भिमामा पश्चिमबाट पूर्र्वतर्फ जाँदै गरेका प्रदेश १–०४००१ च १३८६ नम्बरको कार अनियन्त्रित हुँदा आफ्नै घरमा बसिरहेकी ४५ वर्षीया कमलादेवी चौधरीलाई ठक्कर दिएको हो ।
ठक्कर दिने कारका चालक र कारमा सवार अर्का एक जना घाइते भएको उनीहरुको उपचार भइरहेको इलाका प्रहरी कार्यालयका प्रहरी निरीक्षक बबिन राईले जानकारी दिनुभयो । प्रहरीले घुमाउरो सडकमा तीब्र गतिमा आएको कार अनियन्त्रित हुँदा दुर्घटना हुन पुगेको प्रहरीले जनाएको छ ।
