नेपाल प्रिमियर लिग (एनपीएल) को पहिलो संस्करणमा लुम्बिनी लायन्स सबैभन्दा बलियो दाबेदार टोलीको रूपमा प्रस्तुत भएको छ। फर्चुना हेल्थकेयरको स्वामित्वमा रहेको यस टोलीले ८४ लाख ७५ हजार रुपैयाँ खर्च गर्दै उत्कृष्ट खेलाडीहरूको मिश्रण तयार गरेको छ।

कप्तान रोहित पौडेलको नेतृत्वमा विदेशी र घरेलु खेलाडीहरूलाई समेटेर यो टोलीले उच्चस्तरीय प्रदर्शनको अपेक्षा गरेको छ। विशेषगरी, अनुभवी विदेशी खेलाडीहरूको उपस्थिति र घरेलु प्रतिभाको सम्मिश्रणले लुम्बिनीलाई थप सशक्त बनाएको छ।

महत्वपूर्ण विदेशी खेलाडीहरू:

1.बेन कटिङ (अष्ट्रेलिया):

आईपीएल २०१६ को फाइनलका ‘प्लेयर अफ द म्याच’ कटिङ एक उत्कृष्ट अलराउन्डर हुन्। उनले बीबीएल, पीएसएल, र एलपीएलमा प्रभावशाली प्रदर्शन गरिसकेका छन्।

2.उन्मुक्त चन्द (अमेरिका):

भारतका पूर्व यु-१९ कप्तान चन्दले सन् २०१२ मा भारतलाई विश्वकप जिताएका थिए। अमेरिकी क्रिकेटमा नयाँ मोड लिएपछि, उनी धेरै प्रतिष्ठित लिगमा सहभागी भए।

3.टम मुर्स (इङ्ल्याण्ड):

विकेटकिपर-ब्याटर मुर्स आफ्नो आक्रामक मध्यक्रम ब्याटिङका लागि परिचित छन्।

4.रामोन सिमोन्ड्स (बारबाडोस):

युवा पेस बलर सिमोन्ड्स वेस्ट इन्डिज यु-१९ टोलीका सदस्य हुन् र सीपीएलमा उत्कृष्ट अनुभव बटुलेका छन्।

5.साद बिन जफर (क्यानडा):

अनुभवी अलराउन्डर जफरले आफ्नो कीर्तिमानी प्रदर्शनमार्फत टोलीलाई बलियो बनाउन सक्नेछन्।

घरेलु खेलाडीहरूको सशक्त उपस्थिति:

•रोहित पौडेल (कप्तान): नेपाली राष्ट्रिय टोलीका भरोसालु कप्तान।

•सन्दीप जोरा: आक्रामक मध्यक्रम ब्याटर।

•अर्जुन साउद: विकेटकिपर-ब्याटर।

•सूर्य तामाङ: प्रमुख स्पिन बलर।

•तिलक राज भण्डारी र दुर्गेश गुप्ता: यु-१९ टोलीका प्रतिभाशाली बलर।

•दिनेश अधिकारी र विकास आग्री: घरेलु क्रिकेटका बलियो बलर।

टोलीकाको तागत र कमजोरी:

•तागत:

•उत्कृष्ट शीर्ष र मध्यक्रम ब्याटिङ।

•विदेशी खेलाडीहरूको अनुभव।

•प्रशिक्षक टोलीमा शक्ति गौचनजस्ता अनुभवी कन्सल्टेन्ट।

•कमजोरी:

•बलिङ आक्रमण तुलनात्मक रूपमा कमजोर।

•स्पिन विभागमा सूर्य तामाङको धेरै निर्भरता।

प्रशिक्षक टोली:

•नन्दन फाडनिस: मुख्य प्रशिक्षक।

•शक्ति गौचन: कन्सल्टेन्ट कोच।

लुम्बिनी लायन्सले आफ्नो पहिलो खेल मंसिर १९ गते विराटनगर किंग्ससँग खेल्नेछ। कागजी रूपमा बलियो देखिएको यो टोलीले मैदानमा उत्कृष्ट प्रदर्शन गर्दै एनपीएलको पहिलो संस्करणको उपाधि जित्ने प्रबल सम्भावना राखेको छ।