पूर्वगृहमन्त्री तथा रास्वपा सभापति रवि लामिछानेलाई सहकारी ठगी प्रकरणमा बयानका लागि पोखरा पुर्‍याइएको छ। उनलाई बाराको सिमराबाट काठमाडौं हुँदै हवाइमार्गबाट पोखरा लगिएको हो।

सहकारी संस्थामा बचतकर्ताको रकम हिनामिना गरेको आरोपमा केन्द्रीय अनुसन्धान ब्यूरो (CIB) ले लामिछानेमाथि अनुसन्धान गरिरहेको छ। CIB का प्रमुख दिपक थापाका अनुसार, लामिछानेसँग जोडिएको संगठित अपराध, सहकारी ठगी, र सम्पत्ति शुद्धीकरणको अनुसन्धान अन्तिम चरणमा पुगेको छ।

अनुसन्धानको दायरा

लामिछानेमाथि पोखराको सूर्यदर्शन सहकारीबाट सुरु भएको छानबिनले चार अन्य सहकारीहरूसम्म पु¥याएको छ। यी सहकारीहरूमा:

1.सूर्यदर्शन सहकारी (पोखरा)

2.सुप्रिम सहकारी (रुपन्देही)

3.स्वर्णलक्ष्मी सहकारी (काठमाडौं)

4.सहारा चितवन सहकारी (चितवन)

5.सानो पाइला सहकारी (वीरगञ्ज)

प्रहरीले लामिछानेसँग यी सहकारीहरूको रकम हिनामिना र अनियमितताबारे बयान लिएको छ।

पक्राउको पृष्ठभूमि

CIB ले यस प्रकरणमा पूर्वडीआईजी छविलाल जोशीलाई असोज ६ गते पक्राउ गरेको थियो। रवि लामिछानेलाई भने कात्तिक २ गते बनस्थलीस्थित पार्टी कार्यालयबाट नियन्त्रणमा लिएको हो।

थप जानकारी

प्रहरीले यस प्रकरणमा अन्य व्यक्तिहरूसँग पनि बयान लिएको छ र अनुसन्धानलाई निष्कर्षमा पु¥याउने तयारी गरेको जनाएको छ। यो मुद्दाले सहकारी क्षेत्रको विश्वसनीयतामाथि गम्भीर प्रश्न उठाएको छ।