अजय मिश्र, अर्घाखाँची । जिल्लाको सितगंगा नगरपालिका वडा नं ८ अवस्थित इभर ल्याण्ड होटलमा तिन दिने आधारभूत फोटो पत्रकारिता तालिमको समापन भएको छ । शिवराज मिडिया प्रा. लि.को आयोजना तथा कृष्णनगर नगरपालिकाको सहयोगमा तिन दिने पत्रकारिता तालिम सम्पन्न भएको हो ।
कार्यक्रमको अध्यक्षता शिवराज मिडिया प्रा. का अध्यक्ष मनिष कुमार गुप्ता, प्रमुख अतिथिमा नेपाल पत्रकार महासंघ लुम्बिनी प्रदेश अध्यक्ष वसन्त गिरी, विशिष्ट अतिथिमा, नेपाल पत्रकार महासंघ कपिलवस्तु जिल्ला अध्यक्ष किरण मान बज्राचार्य, अतिथिमा नेपाल पत्रकार महासंघ लुम्बिनी प्रदेश सदस्य चिन्ता परियार, प्रेस सेन्टरका केन्द्रीय सदस्य मनिष कार्की, प्रेस चौतारी कपिलवस्तु अध्यक्ष जानु पाण्डेय, प्रेस युनियनको उप सभापति खग प्रसाद चापागाई लगाएतको उपस्तिथी रहेको थियो ।
कार्यक्रममा उतकृष्ट फोटो खिच्ने तिन जना पुरस्कृत गरिएको तथा सहभागी पत्रकार हरूलाई प्रमाण पत्र तथा अतिथिहरूलाई मायाको चिनो प्रदान गरिएको थियो ।
तिन दिने आधारभूत फोटो पत्रकारिता तालिममा करिब २० जना सहभागी रहेका छन् । कार्यक्रममा प्रशिक्षकका रूपमा मनोज पौडेल रहेको आयोजकले जानकारी दिएको छ ।
