थ्रीस्टार क्लब पोखरामा जारी २४औं आहारारा पोखरा गोल्डकपको सेमिफाइनलमा प्रवेश गरेको छ। पोखरा रंगशालामा आज भएको खेलमा थ्रीस्टारले मछिन्द्र क्लबलाई टाइब्रेकरमा ४(२) गोलअन्तरले हराउँदै अन्तिम ४ मा स्थान बनायो।
निर्धारित समयमा खेल गोलरहित बराबरीमा समाप्त भएपछि, अतिरिक्त समयका लागि खेल धकेलिएको थियो। अतिरिक्त समयमा पनि गोल नगरेपछि खेल पेनाल्टी सुटआउटमा पुगेको थियो, जहाँ थ्रीस्टारले बाजी मारे।
मछिन्द्र क्लब प्रिक्वाटरफाइनलमा विभागीय टोली एपीएफ एफसीलाई हराउँदै क्वाटरफाइनलमा पुगेको थियो भने थ्रीस्टारले बाई पाई सिधै क्वाटरफाइनल खेलेको हो।
थ्रीस्टार क्लब पाँच पटकको आहारारा गोल्डकपको च्याम्पियन टोली हो र यसपटक पनि सेमिफाइनलमा प्रवेश गर्दै आफ्नो सफलताका इतिहासलाई निरन्तरता दियो। मछिन्द्र क्लब भने पोखरामा अहिलेसम्म उपाधि जित्न नसकेको र यस पटक पनि क्वाटरफाइनलबाटै बाहिरिएको छ।
अब थ्रीस्टार सेमिफाइनलमा आफ्नो स्थान सुरक्षित गर्दै, च्याम्पियन बन्ने लक्ष्यका साथ अगाडि बढ्ने छ।
प्रतिक्रिया
सम्बन्धित खवर
