पुष्कर खड्का, रामेछाप । रामेछाप जिल्लामा मंगलबार थप ३६ जना कोरोना भाइरस (कोभिड–१९) को संक्रमण मुक्त भएका छन् । यो सँगै जिल्लामा कोरोना सङ्क्रमणमुक्त हुनेको सङ्ख्या ३ सय ७५ जना पुगेको छ ।

स्वास्थ्य कार्यालय रामेछापले दिएको जानकारी अनुसार जिल्लामा मंगलबार मन्थली नगरपालिकाबाट ६, रामेछाप नगरपालिकाबाट १२, उमाकुण्ड गाउँपालिकाबाट ५, खाँडादेवी गाउँपालिकाबाट १ लिखुतमाकोसी गाउँपालिकाबाट ६ र सुनापति गाउँपालिकाबाट ६ जना गरी ३६ जना कोरोना सङ्क्रमण मुक्त भएको स्वास्थ्य कार्यालय रामेछापका जनस्वास्थ्य अधिकृत भुवन थापाले जानकारी दिए ।