हिमाली बस्ती याङ्माका किसानहरू जङ्गली ब्वाँसोको आक्रमणबाट बर्सेनि प्रभावित भइरहेका छन्। फक्ताङलुङ–७ ओलाङचुङगोला क्षेत्रका गोठमा ब्वाँसोले याक र चौरी मार्दा स्थानीय किसानले ठूलो आर्थिक क्षति भोग्नुपरेको छ। यस वर्ष हालसम्म नौ वटा चौरी मारिइसकेका छन् भने अघिल्लो वर्ष ३० भन्दा बढी चौपाया मरेका थिए।
क्षति बेहोर्ने परिवारका संख्या सीमित भए पनि पशुपालन यहाँको मुख्य पेशा हो। वडाध्यक्ष छेतेन शेर्पाले स्थानीय तहको बजेट सीमित भएकोले पर्याप्त राहत दिन सकिएको छैन र संघ तथा प्रदेश सरकारले ब्वाँसोको आवागमन निगरानी गर्न आवश्यक कदम चाल्नुपर्ने बताए।
