निजगढ–पथलैया सडकखण्डमा पर्ने १६ किमिमा दुईवटा मोटरसाइकल एकआपसमा ठोक्किँदा तिन जनाको घटनास्थलमै मृत्यु भएको छ । शनिबार राति करिब ९ः३० बजे पूर्वपश्चिम राजमार्गअन्तर्गत जितपुरसिमरा उपमहानगरपालिका १६ स्थित टागियाबस्ती जाने बाटे नजिकै दुर्घटना भएको हो ।
पूर्वबाट पथलैयातर्फ गईरहेको बा ६५ प २७५६ नम्बरको यनयस २०० पल्सर मोटरसाइकल र पश्चिमबाट निजगढतर्फ आइरहेको प्र २ ०३ ००२ प ५३३५ नम्बरको पल्सर मोटरसाइकल एकआपसमा ठोक्किदा तिन जनाको मृत्यृ भएको छ भने २७५६ नम्बरको मोटरसाइकल आगोलागि भई पुर्णरुपमा नस्ट भएको छ ।
दुर्घटनामा ५३३५ नम्बरको मोटरसाइकलमा सवार निजगढ नगरपालिका ९ का १६ वर्षीय बिकास साह र उनका फुपु पर्सा डकेला बहुअरीकी ३५ वर्षिया सुनैनादेवी साह र जीतपुर—सिमरा उपमहा नगरपालिका १३ पैनीटोलका ४० वर्षिय टुलुराज तामाङ्गको घटनास्थलमै ज्यान गएको इलाका प्रहरी कार्यालयका प्रमुख प्रहरी निरिक्षक शंकर चैधरीले जनकारी दिए ।
उच्च गतिका कारण अनियन्त्रित भई दुर्घटना भएको प्रहरीको अनुमान रहेको छ । मृत्तकहरुको शव पोष्टमार्टमको लागि कलैया अस्पताल लगिएको छ ।
भिडियो हेर्नुहोस :
