काठमाडौ । कोशी प्रदेशका मुख्यमन्त्री केदार कार्कीले कात्तिक १ गते प्रदेश सभामा विश्वासको मत लिने भएका छन् ।

मुख्यमन्त्रीले विश्वासको मत लिन चाहेको दुई दिनअघि प्रदेश सभालाई सूचना दिनुपर्ने प्रदेश सभा नियमावलीको व्यवस्था छ ।सोहि नियमावली अनुसार कार्कीले विश्वासको मत लिने सूचना प्रदेश सभालाई सोमबार दिएका छन्। मुख्यमन्त्री कार्कीले आइतबार शपथ लिएपछि तत्कालै विश्वासको मत लिने तयारी गरेका हुन् ।

यसअघि असोज २० गते स्थगित भएको प्रदेश सभाको बैठक कात्तिक १ गतेका लागि बोलाइएको छ ।

सविधानको धारा १६८ को उपधारा ५ अनुसार मुख्यमन्त्री नियुक्त भएका कार्की कांग्रेसबाट विद्रोह गरेका र एमालेले समर्थन गरेको मुख्यमन्त्री हुन ।