काठमाडौं । नेपाल ट्रिपर तथा ट्रक व्यवसायी समितिले नव–निर्वाचित पदाधिकारीको औपचारिक सुरुवातलाई लक्षित गर्दै गृहप्रवेश कार्यक्रम आयोजना गर्ने भएको छ ।
समितिद्वारा सार्वजनिक गरिएको आमन्त्रण पत्रअनुसार कार्यक्रम २०८२ मंसिर १९ गते बिहीबार बिहान ११ः१५ बजे चन्द्रागिरि नगरपालिका वडा नं. ७ हाइभिजनस्थित समितिको कार्यालय भवनमा हुनेछ । समितिका अनुसार हालै सम्पन्न अधिवेशनबाट निर्वाचित पदाधिकारीको कार्यकाल सुरुवातसँगै संस्थागत गतिविधिलाई अझ प्रभावकारी, व्यवस्थित र व्यवसायीमैत्री बनाउने उद्देश्यले गृहप्रवेश कार्यक्रम आयोजना गर्न लागिएको हो । कार्यक्रममार्फत नयाँ कार्यसमितिले आफ्नो कार्यदिशा, योजना तथा प्राथमिकताबारे जानकारी गराउने अपेक्षा गरिएको छ ।
समितिले ट्रक तथा टिपर व्यवसायमा आबद्ध सम्पूर्ण व्यवसायी, सदस्य, सरोकारवाला निकायका प्रतिनिधि तथा स्थानीय समुदायलाई कार्यक्रममा उपस्थित भई समर्थन र सहकार्य जनाउन आग्रह गरेको छ । समितिका पदाधिकारीहरूका अनुसार व्यवसायीहरूको एकता, सहकार्य र सक्रिय सहभागिताले मात्र संस्थालाई थप सशक्त बनाउन सकिने भएकाले यस कार्यक्रममा व्यापक सहभागिता रहने विश्वास लिइएको छ ।
गृहप्रवेश कार्यक्रमले समितिको भौतिक पूर्वाधार विस्तारसँगै संस्थागत पहिचानलाई थप मजबुत बनाउने अपेक्षा गरिएको छ । समितिका प्रतिनिधिहरूले आगामी दिनमा यातायात क्षेत्रका चुनौतीहरू समाधान गर्न, व्यवसायीहरूको अधिकार संरक्षण गर्न तथा सम्बन्धित निकायसँग समन्वय गरी नीति निर्माणमा प्रभावकारी भूमिका निर्वाह गर्ने प्रतिबद्धता जनाएका छन् । साथै, सडक सुरक्षा, श्रमिक हित तथा व्यवसायीहरूको पेशागत सुरक्षा जस्ता विषयलाई प्राथमिकतामा राखेर काम गरिने जनाइएको छ ।
कार्यक्रमलाई सभ्य र भव्य बनाउन आवश्यक सम्पूर्ण तयारी अन्तिम चरणमा पुगेको समितिले जनाएको छ । कार्यक्रममा विभिन्न क्षेत्रका प्रतिनिधि, स्थानीय अगुवा तथा व्यवसायीहरूको उल्लेख्य उपस्थिति रहने अपेक्षा गरिएको छ ।
समितिले सबैलाई कार्यक्रममा सहभागी भई नव–निर्वाचित पदाधिकारीलाई उत्साह प्रदान गर्न तथा कार्यक्रमको गरिमा बढाउन हार्दिक अनुरोध गरेको छ । साथै, उपस्थितिले कार्यक्रमलाई अझ अर्थपूर्ण, सफल र स्मरणीय बनाउने विश्वास समेत व्यक्त गरिएको छ ।
समितिको चैत १३ र १४ गते चौंधौं साधारणसभा तथा आठौं अधिवेशन सम्पन्न भएको थियो ।
