३ दिनदेखि अवरुद्ध कालीगण्डकी करिडोर सञ्चालनमा आएको छ। बिहीबार राति बागलुङ नगरपालिका-१० दब्ल्याङमा पहिरो जाँदा करिडोर अवरुद्ध भएको थियो। शुक्रबार र शनिबार खुलाउने प्रयास गरिए पनि भारी वर्षाका कारण सञ्चालन हुन सकेको थिएन।आइतबार बिहानैदेखि बागलुङ नगरपालिकाको मेसिन प्रयोग गरी करिडोर खुलाइएको बागलुङ नगरपालिकाले जनाएको छ । करिडोरसँगै बागलुङ-कुश्मिसेरा सडक पनि तीन दिनदेखि नै अवरुद्ध भएको थियो।
पहिरोले सडक क्षतविक्षत बनाएकाले बागलुङ जिल्ला सदरमुकामसँगको सम्पर्क टुटेको थियो। सडक अवरुद्ध भएसँगै बलेवा, कुश्मिसेरा र बरेङ क्षेत्रका हजारौँ नागरिक प्रभावित भएको स्थानीयले बताए ।पहिरो हटाएर अहिले यातायात सञ्चालनमा आएको छ, यहाँको भू-भाग निकै कमजोर भएको हुँदा पानी पर्ने बित्तिकै फेरि अवरुद्ध हुने गरेको छ ।, बर्खा लागेपछि दर्जनौँ पटक सडक अवरुद्ध भयो यो सडक राष्ट्रिय आयोजना हो, आयोजनाले काम नगर्दा सडक दिनदिनै अवरुद्ध हुने गरेको छ ।
यसको दीर्घकालीन समाधान गर्न नसकिए समस्या दोहोरिरहने खड्काको भनाइ छ। तीन दिनदेखि सडक अवरुद्ध हुँदा करिडोरमा यातायातका साधनहरु ठप्प भएका थिए। सडक खुलेपछि आफ्नो गन्तव्यतर्फ लागेका छन्।
