रौतहटबाट काठमाडौं आउँदै गरेको यात्रु बस चितवनमा दुर्घटना हुँदा २० जना घाइते भएका छन् ।

पूर्वपश्चिम राजमार्गअन्तर्गत राप्ती नगरपालिका–२ गड्यौलीमा बा प्र ०१–००६ ख २००४ नं बस गए राति सडक छेउमा रोकिराखेको प्र. २ ०३–००१ ख ७३१२ नं को ट्रकसित ठोक्किँदा २० जना यात्रु घाइते भएको जिल्ला ट्राफिक प्रहरी कार्यालय चितवनले जानकारी दिएको छ ।

घाइतेहरुको चितवन मेडिकल कलेज भरतपुरमा उपचार भइरहेको छ । घाइतेमध्ये दुई जनाको अवस्था गम्भीर रहेको बताइएको छ ।

बसका चालक फरार रहेको र खोजीकार्य जारी रहेको प्रहरीले जनाएको छ ।