काठमाडौं – चन्द्रागिरि नगरपालिकाले स्वास्थ्य सेवातर्फ विभिन्न चार पदमा करार सेवामा कर्मचारी नियुक्त गर्न दरखास्त आह्वान गरेको छ। नगरपालिकाले मातातीर्थ आयुर्वेद तथा चिकित्सा अस्पताल तथा स्वास्थ्यसम्बन्धी सेवाका लागि आवश्यक जनशक्ति पूर्ति गर्न कर्मचारी माग गरेको हो। नगरपालिकाले सार्वजनिक गरेको सूचनाअनुसार आयुर्वेद चिकित्सक अधिकृत आठौँ तह, ल्याब टेक्निसियन सहायक पाँचौँ तह, वैद्य सहायक चौथो तह र पुरुष अभ्यङ्गकर्ता श्रेणीविहीन पदमा एक–एक जना कर्मचारी माग गरिएको छ। नगरपालिकाले माग गरेका सबै पदमा एक–एक जना कर्मचारी करार सेवामा नियुक्त गर्ने जनाएको छ। इच्छुक तथा योग्यता पुगेका नेपाली नागरिकले तोकिएको समयभित्र आवश्यक कागजातसहित आवेदन दिन सक्नेछन्।

कुन पदका लागि कस्तो योग्यता ?
आयुर्वेद चिकित्सक अधिकृत, आठौँ तहका लागि मान्यता प्राप्त शिक्षण संस्थाबाट बीएएमएस ९द्यब्ःक्० उत्तीर्ण गरेको हुनुपर्नेछ। साथै सम्बन्धित निकायमा आवश्यक दर्ता प्रमाणपत्र तथा पदका लागि तोकिएका अन्य कागजात पेश गर्नुपर्नेछ। त्यस्तै, ल्याब टेक्निसियन सहायक, पाँचौँ तहका लागि सम्बन्धित विषयको सीएमएलटी ९ऋःीत्० कोर्स उत्तीर्ण गरेको हुनुपर्नेछ। उम्मेदवारले सम्बन्धित दर्ता प्रमाणपत्रलगायत आवश्यक कागजात पेश गर्नुपर्ने नगरपालिकाले जनाएको छ।

वैद्य सहायक, चौथो तह पदका लागि एसएलसी उत्तीर्ण गरी एक वर्षको सहायक आयुर्वेद कार्यकर्ता कोर्स पूरा गरेको हुनुपर्नेछ। यस पदका लागि पनि सम्बन्धित प्रमाणपत्र तथा आवश्यक कागजात अनिवार्य गरिएको छ। त्यसैगरी, पुरुष अभ्यङ्गकर्ता, श्रेणीविहीन पदका लागि कक्षा ८ उत्तीर्ण गरेको र तीन महिनाको अभ्यङ्गकर्ता तालिम लिएको हुनुपर्नेछ।

१५ दिनभित्र आवेदन दिनुपर्ने
नगरपालिकाले सूचना प्रकाशित भएको मितिले १५ दिनभित्र आवेदन बुझाउन सकिने जनाएको छ। इच्छुक उम्मेदवारले चन्द्रागिरि नगरपालिका कार्यालय, बलम्बु, काठमाडौंमा पुगेर तोकिएको ढाँचामा दरखास्त पेश गर्नुपर्नेछ। आवेदनका क्रममा सम्बन्धित पदका लागि आवश्यक शैक्षिक योग्यता, तालिम, दर्ता प्रमाणपत्र, अनुभव तथा अन्य आवश्यक कागजात पेश गर्नुपर्नेछ।

पदअनुसार फरक–फरक परीक्षा शुल्क
नगरपालिकाले पदअनुसार परीक्षा दस्तुरसमेत फरक–फरक तोकेको छ। आयुर्वेद चिकित्सक अधिकृत आठौँ तह — १ हजार रुपैयाँ

ल्याब टेक्निसियन सहायक पाँचौँ तह — ५०० रुपैयाँ

वैद्य सहायक चौथो तह — ४०० रुपैयाँ

पुरुष अभ्यङ्गकर्ता श्रेणीविहीन — ३०० रुपैयाँ

उम्मेदवारले तोकिएको परीक्षा दस्तुर बुझाएर मात्र आवेदन प्रक्रिया पूरा गर्नुपर्नेछ।

लिखित परीक्षा र अन्तर्वार्ताबाट छनोट
आवेदकहरूमध्येबाट कर्मचारी छनोट लिखित परीक्षा तथा अन्तर्वार्तामार्फत गरिने नगरपालिकाले जनाएको छ। लिखित परीक्षामा सफल उम्मेदवारलाई अन्तर्वार्ताका लागि छनोट गरिनेछ।
परीक्षाको मिति, समय र स्थानसम्बन्धी जानकारी नगरपालिकाले पछि सार्वजनिक गर्नेछ।

उमेर हद कति ?
नगरपालिकाले पदअनुसार उम्मेदवारको उमेर हदसमेत तोकेको छ। अधिकांश पदका लागि उम्मेदवारको अधिकतम उमेर ४० वर्षसम्म तोकिएको छ भने केही पदमा ४५ वर्षसम्म उमेर भएका उम्मेदवारले आवेदन दिन सक्ने व्यवस्था गरिएको छ। इच्छुक उम्मेदवारले आवेदन दिनुअघि आफूले आवेदन गर्न चाहेको पदको शैक्षिक योग्यता, तालिम, दर्ता प्रमाणपत्र, उमेर हद, अनुभव तथा अन्य आवश्यक मापदण्ड पूरा गरेको छरछैन भन्ने यकिन गर्नुपर्नेछ। चन्द्रागिरि नगरपालिकाले स्वास्थ्य सेवाको आवश्यकता पूरा गर्न करारमा जनशक्ति थप गर्न लागेको हो। विशेषगरी मातातीर्थ आयुर्वेद तथा चिकित्सा अस्पताल तथा स्वास्थ्यसम्बन्धी सेवामा आवश्यक जनशक्ति उपलब्ध गराउने उद्देश्यले उक्त पदमा कर्मचारी माग गरिएको नगरपालिकाको सूचनामा उल्लेख छ।