कपिलवस्तु – तीन दिनदेखि बेपत्ता रहेका कपिलवस्तुका पूर्वमेयर किरण सिंह मृत फेला परेका छन्। ६५ वर्षीय सिंहको शव आइतबार मध्याह्न फेला परेको जिल्ला प्रहरी कार्यालय कपिलवस्तुका प्रहरी उपरीक्षक (एसपी) मनोहरप्रसाद भट्टले जानकारी दिए।

एसपी भट्टका अनुसार सिंहको शव केहीबेरअघि फेला परेको हो। घटनाबारे प्रहरीले अनुसन्धान अघि बढाएको छ। ‘उहाँको शव केहीबेर अगाडि फेला परेको छ,’ एसपी भट्टले भने, ‘घटनाबारे अनुसन्धान गरिरहेका छौं।’

सिंह शुक्रबार दिउँसोदेखि सम्पर्कविहीन भएका थिए। बेपत्ता हुनुअघि उनले आफूले बाटो बिराएको भन्दै आफ्ना व्यावसायिक साझेदारलाई सम्पर्क गरेका थिए। सिंहले सम्पर्क गरेको क्षेत्रबाटै उनको शव फेला परेको एसपी भट्टले बताए।

प्रहरीले घटनाको कारण र परिस्थितिबारे अनुसन्धान गरिरहेको जनाएको छ। शव फेला परेको स्थान तथा घटनासँग सम्बन्धित अन्य विषयमा अनुसन्धान अघि बढाइएको प्रहरीले जनाएको छ।सिंह २०७४ सालको स्थानीय तह निर्वाचनमा नेपाली कांग्रेसबाट कपिलवस्तु नगरपालिकाको मेयरमा निर्वाचित भएका थिए। उनी कपिलवस्तु नगरपालिकाको नेतृत्व गरिसकेका पूर्वजनप्रतिनिधि हुन्।प्रहरीले घटनाको अनुसन्धानपछि सिंहको मृत्युको कारण तथा घटनासँग सम्बन्धित थप तथ्य सार्वजनिक गर्ने जनाएको छ।