सुदूरपश्चिम प्रदेशसभास् सांसद धर्मराज पाठकले शहीद दशरथ चन्द विश्वविद्यालयको लागि प्रधानमन्त्रीलाई दबाब दिनुपर्ने बताएका छन्सु दूरपश्चिम प्रदेशसभाको बैठकमा सांसद धर्मराज पाठकले गेटामा शहीद दशरथ चन्द विश्वविद्यालयको स्थापना र त्यसका लागि प्रधानमन्त्री केपी शर्मा ओलीलाई दबाब दिनुपर्ने आवश्यकतामा जोड दिएका छन्। उनले आजको बैठकमा भने, सुदूरपश्चिम प्रदेशका सबै राजनीतिक दलहरू एकजुट भएर प्रधानमन्त्रीलाई गेटामा विश्वविद्यालय सञ्चालनका लागि दबाब दिनुपर्छ। सांसद पाठकका अनुसार, गेटामा बनिएका १६ अर्ब मूल्यका संरचनाहरू आजसम्म प्रयोगविहीन अवस्थामा छन्।२०७४ सालमा प्रधानमन्त्री ओलीकै नेतृत्वमा सरकारले गेटा अस्पताल सञ्चालनका लागि चार अर्बभन्दा बढी बजेट विनियोजन गरेको थियो, तर हालसम्म ती संरचनाहरू उचित प्रयोगमा ल्याउन सकिएको छैन। उनले भन्नुभयो,यो ठूलो लगानी हो, जसको सदुपयोग गर्न अत्यन्त आवश्यक छ।

सांसद पाठकले प्रदेशका सबै सांसदहरूलाई एकजुट भएर प्रधानमन्त्रीलाई ध्यानाकर्षण गराउने काममा जुट्न आह्वान गरे। उनका अनुसार, यदि गेटामा शहीद दशरथ चन्द विश्वविद्यालय स्थापना हुन्छ भने यो सुदूरपश्चिम प्रदेशको शैक्षिक र सामाजिक समृद्धिका लागि महत्वपूर्ण कदम हुनेछ। उनले विश्वास व्यक्त गरे कि प्रदेशका सांसदहरूले मिलेर यो मुद्दा अघि बढाउँदा प्रधानमन्त्री र संघीय सरकारको ध्यान आकर्षित गर्न सकिनेछ।

सांसद पाठकले थप जानकारी दिएका छन् कि भोलि प्रधानमन्त्री केपी शर्मा ओली सुदूरपश्चिम प्रदेशसभामा सम्बोधन गर्ने छन्। यस बैठकमा उद्योग र वनसम्बन्धी संशोधन विधेयक पनि टेबल गरिएको छ। यस अवसरमा सांसद पाठकले सबैलाई गेटामा बनेका संरचनाहरूको उचित प्रयोग र विश्वविद्यालयको स्थापना प्रक्रियामा सक्रिय भूमिका निर्वाह गर्न आह्वान गरेका छन्। सुदूरपश्चिम प्रदेशको विकास र शैक्षिक समृद्धिको लागि सांसद पाठकको यो पहल एक सकारात्मक कदमको रूपमा लिइएको छ। यसैगरी, प्रदेशका सबै राजनीतिक दलहरूको मिलेर काम गर्ने क्षमता र एकजुटता प्रदेशको विकासको लागि अहम बन्ने छ।