काठमाडौ । सामाजिक सञ्जाल टिकटकमाथि प्रतिबन्ध लगाउने सरकारको निर्णयविरुद्ध परेको सर्वोच्च अदालतमा परेको रिट ‘हेर्न नभ्याउने’ मा परेको छ ।
न्यायाधीश विनोद शर्माको एकल इजलासले मङ्सिर ५ गते प्रारम्भिक सुनुवाइ गर्दै दश दिनभित्र कारण देखाउ आदेश जारी गरी आजका लागि पेसी तोकेको थियो । अदालतले उक्त विवादमा यही मङ्सिर १५ गतेभित्र लिखित जवाफ माग गरीे यही मङ्सिर १९ गते सुनुवाइका लागि पेसी तोक्ने आदेश गरेको थियो ।

टिकटक प्रतिबन्धको विरोधमा वरिष्ठ अधिवक्ता दिनेश त्रिपाठीसहित १४ जनाले छुट्टाछुट्टै रिट निवेदन दायर गरेका छन् । सरकारले गत कात्तिक २७ गते सामाजिक सद्भावमा खलल पुगेको भन्दै टिकटकमाथि प्रतिबन्ध लगाउने निर्णय गरेको थियोे ।