ताप्लेजुङको फुङलिङ नगरपालिका–११ पाथिभरा क्षेत्रमा केबलकार निर्माणको विरोधमा भएको प्रदर्शनमा झडप हुँदा प्रहरीले गोली चलाउँदा ४ जना प्रदर्शनकारी घाइते भएका छन्। घाइतेमध्ये तीन जनाको अवस्था गम्भीर रहेको र थप उपचारको लागि विराटनगर पठाइएको छ।
‘नो केबलकार समूह’ले केबलकार निर्माण विरोधमा आन्दोलन गर्दै आएको थियो र यसको विरोधमा अघिल्लो दिनदेखि सुरक्षाकर्मीको उपस्थिति बढाइएको थियो। झडपको क्रममा प्रदर्शनकारीहरूले ढुंगामुडा र गुलेली प्रहार गरेपछि प्रहरीले गोली चलाएको जनाएको छ। यस घटनामा १२ जना प्रहरी पनि घाइते भएका छन्।
केबलकार निर्माणको विरोधमा भएको यस घटनाले स्थानिय स्तरमा ठूलो तनाव उत्पन्न गरेको छ, जहाँ विरोधकर्ताहरूको आरोप छ कि पाथिभरा क्षेत्रको सांस्कृतिक पहिचानको क्षति हुनसक्छ।
प्रतिक्रिया
सम्बन्धित खवर
