काठमाडौं । नारायणगढ–मुग्लिन सडकखण्डको तुइन खोलामा पहिरो खसेपछि यातायात अवरुद्ध भएको छ । शुक्रबार साँझ ६ बजेदेखि निरन्तर खसेको पहिरोले लगभग १ सय मिटर सडक अवरुद्ध हुन पुगेको छ ।
डिभिजन सडक कार्यालय चितवनका प्रमुख नारायण लामिछानेले रातभर पटक–पटक गरी खसेको पहिरोले करिब १ सय मिटर सडक ढाकेको जानकारी दिनुभयो । निरन्तर पहिरो खसेकोले रातको समयमा पहिरो पन्छाउन नसकिए पनि बिहानबाट पहिरो पन्छाउने काम भइरहेको छ ।
दुवैतर्फबाट लोडरले पहिरो पन्छाउने काम भइरहेको छ । पहिरो खसेको ठाउँ मुग्लिनबाट साढे २ किलोमिटर नारायणगढतर्फ पर्दछ ।
