धादिङ – धादिङबेसीबाट पृथ्वीराजमार्ग निस्कने परेवाटार–मास्टार सडकखण्डमा बस बिग्रिएपछि यातायात सेवा अवरुद्ध भएको छ। दारेगौंडा नजिकै साँघुरो सडकमा बस बिग्रिएर बीच बाटोमै रोकिएपछि अन्य सवारीसाधनको आवागमन रोकिएको हो। सडक साँघुरो भएकाले बिग्रिएको बसलाई छेउ लगाउन नसक्दा दुवैतर्फबाट आएका सवारीसाधन रोकिएका छन्।
यातायात अवरुद्ध भएपछि यात्रुहरू पनि बीच बाटोमै अलपत्र परेका छन्। सडकमा बस बिग्रिएर रोकिँदा आवागमन प्रभावित भएको स्थानीयले बताएका छन्। बिग्रिएको बस हटाएपछि मात्रै उक्त सडकखण्डमा नियमित यातायात सञ्चालनमा आउने अवस्था रहेको छ।
