भारतमा पहिलो पटक एचएमपीभी (ह्युमन मेटाप्नेमोभाइरस) भाइरसको संक्रमण पुष्टि भएको छ। दक्षिण भारतीय राज्य कर्नाटकको बेंगलुरुस्थित एक अस्पतालमा आठ महिनाकी बालिकामा यो संक्रमण देखिएको हो।
भाइरसको उत्पत्ति र विशेषता:
•एचएमपीभी भाइरस पहिलो पटक सन् २००१ मा नेदरल्याण्ड्समा पत्ता लागेको थियो।
•भाइरसको खोप अहिलेसम्म विकास भएको छैन।
•यो विशेष गरी बालबालिका र वृद्धवृद्धाहरूलाई बढी प्रभावित गर्छ।
लक्षणहरू:
एचएमपीभीले मौसमी फ्लू जस्तै लक्षणहरू देखाउँछ, जसमा:
•नाकबाट पानी बग्नु
•घाँटी दुख्नु
•ज्वरो र थकान
•खोकी र सास फेर्न गाह्रो
संक्रमणको स्रोत र जोखिम:
यो भाइरस सङ्क्रमित व्यक्तिको सम्पर्कबाट सजिलै सर्न सक्छ। फोक्सो र श्वासप्रश्वास प्रणालीमा गम्भीर असर पुर्याउने यस भाइरसले विशेष गरी बालबालिका र वृद्धहरूलाई गम्भीर अवस्थामा पुर्याउन सक्छ।
सावधानीका उपाय:
•सामाजिक दूरी कायम गर्नु।
•मास्कको प्रयोग।
•साबुन-पानीले नियमित हात धुनु।
•खोक्दा वा हाच्छिउँ गर्दा मुख छोप्ने।
•सङ्क्रमित व्यक्तिसँगको सम्पर्कबाट बच्नु।
चीनमा पनि प्रभाव:
चीनमा नयाँ वर्षको सुरुवातमै ठूलो संख्यामा मानिसहरू यस भाइरसबाट प्रभावित भएपछि एचएमपीभी भाइरस विश्वभर चर्चामा आएको हो।
विशेषज्ञहरूले यस भाइरसको गम्भीरता बुझेर सावधानी अपनाउन आग्रह गरेका छन्। महामारीको सम्भावना रोक्न सबैले सचेत रहनु आवश्यक छ।
प्रतिक्रिया
सम्बन्धित खवर
