भारत सरकारले काठमाडौंको जनबहालस्थित सेतो मच्छिन्द्रनाथ मन्दिरको पुनर्निर्माण कार्यमा २४ किलोग्राम चाँदी हस्तान्तरण गरेको छ। आज बिहान नेपालस्थित भारतीय दूतावासले उक्त चाँदी नेपाल सरकारलाई हस्तान्तरण गरेको हो। सन् २०७२ मा गएको भूकम्पले सेतो मच्छिन्द्रनाथ मन्दिरलाई ठूलो क्षति पुर्याएको थियो। मन्दिरको पुनर्निर्माण पुरातत्व विभागबाट स्वीकृति प्राप्त गरी भारत सरकारको सहयोगमा भइरहेको छ। मन्दिरको पुनर्निर्माण कार्य २०७७ सालको माघ २९ गतेदेखि पुनः सुरू गरिएको हो।

हालसम्म मन्दिरको भौतिक प्रगति ७५ प्रतिशत र वित्तीय प्रगति ४२.१८ प्रतिशत पुगेको छ। मन्दिरको निर्माणमा चाँदीको आसन समावेश नगरेको कारण २०४ किलोग्राम चाँदी दान गरिएको थियो, जसको लागि भारत सरकारले ३९ लाख १० हजार बराबरको रकम स्वीकृत गरेको छ। भारत सरकारको यो सहयोग मन्दिरको पुनर्निर्माणमा ठूलो योगदान दिनेछ। अब चाँदीको आसनको बुट्टा कुँदेर मन्दिरमा राख्ने प्रक्रिया अघि बढाइने छ।