काठमाडौं । संयुक्त एम्बुलेन्स चालक संघ नेपालले विभिन्न माग राख्दै प्रमुख राजनीतिक दलको ध्यानाकर्षण गराएको छ । संघले नेपाली कांग्रेस, नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी, राप्रपालगायतका नेतालाई विभिन्न माग राख्दै ध्यानाकर्षण गराएको हो ।
संघले स्वास्थ्य ऐन, २०७५ संशोधन गर्नुपर्ने, स्वास्थ्य क्षेत्रले मात्र एम्बुलेन्स सञ्चालन गर्न पाउने व्यवस्था खारेज गर्नुपर्ने, हाल क, ख र ग वर्गमा रहेका एम्बुलेन्सलाई सहजै नवीकरण गर्न दिनुपर्ने, संघले एम्बुलेन्स चालकलाई स्वास्थ्य तालिमको व्यवस्था गर्नुपर्ने, सबै अस्पतालमा एम्बुलेन्स पार्किङको व्यवस्था हुनुपर्ने, सरकारले चालकलाई स्वास्थ्य सामग्री, एम्बुलेन्समा आवश्यक औषधि, चालकलाई सुरक्षा पोशाक व्यवस्था गर्नुपर्नेलगायतको माग राख्दै ध्यानाकर्षण गराएका हुन् ।
संघले यसअघि स्वास्थ्य तथा जनसंख्यामन्त्री प्रदीप पौडेललाई ज्ञापनपत्र बुझाएको थियो ।
प्रतिक्रिया
सम्बन्धित खवर
