काठमाडौं, चन्द्रागिरि। चन्द्रागिरि नगरपालिका–७ का स्थानीयले वर्षौंदेखि सडकको दयनीय अवस्थाका कारण दैनिक सास्ती भोग्नुपरेको भन्दै सम्बन्धित निकायको ध्यानाकर्षण गराएका छन्। स्थानीयका अनुसार सडक यति जीर्ण छ कि वर्षायाममा हिलाम्मे र अन्य समयमा धुलाम्मे हुने गरेको छ। बिरामी, ज्येष्ठ नागरिक तथा शवयात्रासमेत सहज रूपमा लैजान कठिन हुने अवस्था रहेको उनीहरूको गुनासो छ।

स्थानीयले विकासका नाममा बजेट विनियोजन भएको भनिए पनि सडकको अवस्था भने सुधार हुन नसकेको आरोप लगाएका छन्। उनीहरूले प्रश्न उठाएका छन्, “मरेपछि पोल्न लैजाने घाटसम्म पुग्ने बाटो कहिले बन्छ? छुट्याइएको बजेट कहाँ गयो?”

स्थानीयवासीले सम्बन्धित जनप्रतिनिधि तथा सरोकारवाला निकायलाई सडकको तत्काल स्तरोन्नति गरी नागरिकलाई सुरक्षित र सहज आवतजावतको व्यवस्था गर्न माग गरेका छन्। नेपालका विभिन्न स्थानमा पनि जीर्ण सडकको विषयलाई लिएर स्थानीयले पटक–पटक आवाज उठाउँदै आएका छन्, जसले आधारभूत पूर्वाधार सुधारको आवश्यकता अझ स्पष्ट पारेको छ।