काठमाडौँ – गृहमन्त्री सुधन गुरूङले आज जिल्ला प्रहरी परिसर काठमाडौंको निरीक्षण गरेका छन्। निरीक्षणको क्रममा उनले परिसरको कार्यालय सञ्चालन, सुरक्षा व्यवस्थापन, कर्मचारीको कार्यप्रणाली र जनसेवाका गतिविधिहरूको विस्तृत जानकारी लिएका थिए। परिषदको प्रमुख रमेश थापाले गृहमन्त्रीलाई कार्यालयको दैनिक कामकाज, सुरक्षासम्बन्धी चुनौतीहरू र हाल सञ्चालनमा रहेका विभिन्न कार्यक्रमहरूको बृहत् विवरण प्रस्तुत गरेका थिए। यस अवसरमा गृहमन्त्री गुरूङले कर्मचारीहरूको कामप्रतिको जिम्मेवारी, सेवा प्रवाहको गुणस्तर र जनताको सुरक्षा सुनिश्चित गर्न आवश्यक उपायहरूबारे छलफल गरेका छन्।
निरीक्षणका क्रममा परिसरमा उपलब्ध साधनसामग्री, सुरक्षा उपकरण र प्रविधिको उपयोगबारे पनि समीक्षा गरिएको थियो। गृहमन्त्रीले कार्यालयलाई थप आधुनिक र प्रभावकारी बनाउन आवश्यक सुधारका सुझावहरू दिएका थिए। उनले प्रहरी अधिकारीहरूलाई जनता नजिक पुग्ने र सेवा प्रदान गर्ने क्रममा पारदर्शिता र जवाफदेहिता कायम राख्न जोड दिएका छन्। यसरी निरीक्षणपछि मन्त्रालयले आगामी दिनमा सुरक्षा र प्रशासनमा सुधार ल्याउने पहललाई प्राथमिकता दिने विश्वास व्यक्त गरिएको छ।
