काठमाडौं । पोखरा निवासी मेडिकल व्यवसायी दुर्गा प्रसाईंलाई प्रहरीले पक्राउ गरेको छ। प्रसाईं विभिन्न आन्दोलन र कार्यक्रममार्फत सरकारसँग सम्झौता गरिसकेको थिए, तर उनीमाथि निर्वाचन आयोगसँग सम्बन्धित गम्भीर आरोप लगाइएको थियो।

आरोप अनुसार उनले सरकारी वेबसाइट ह्याक गरेर डाटा चोरी गर्ने योजना बनाएको र त्यसका लागि रकम लगानी गरेको आशंका गरिएको छ। अडियो र सामाजिक सञ्जालमा प्रसाईंको अभिव्यक्ति सार्वजनिक भएको थियो, जसमा उनले निर्वाचन आयोगलाई रकम दिएको र परिणाम आफ्नो पक्षमा ल्याउने प्रयास गरेको बताएका थिए।

यसका साथै उनले नागरिक बचाउ अभियान र राजावादी अभियानमा समेत नेतृत्व गर्दै आएका थिए। कास्की प्रहरीले उनलाई पक्राउ गरी काठमाडौं पठाउने तयारी गरेको छ। प्रहरीले पत्राचारमार्फत अनुसन्धानको लागि उनलाई कारबाहीको दायरामा ल्याएको जनाएको छ। सरकारसँगको पछिल्लो सम्झौतामा राष्ट्रियता, धर्म, संस्कृति, प्रदेश संरचना, राजसंस्थाको पुनर्स्थापना र साना बचतकर्ता तथा ऋणीको राहत सम्बन्धी विषय समावेश गरिएको थियो। यस सम्झौताअन्तर्गत सरकारले उच्चस्तरीय संविधान संशोधन सुझाव आयोग गठन गर्ने र ‘चक्रवर्ती कोष’ मार्फत ऋणीलाई राहत दिने निर्णय गरेको थियो।

प्रसाईंलाई यसअघि पनि विभिन्न आन्दोलनका क्रममा पक्राउ गरिएको थियो, र सामाजिक तथा राजनीतिक गतिविधिमा सक्रिय रहेको बताइएको छ।