विश्व स्वास्थ्य संगठन डब्ल्यूएचओले अफ्रिकाका केही भागहरूमा मंकीपक्स (एमपक्स) प्रकोप फैलिएपछि विश्वव्यापी स्वास्थ्य आपतकाल घोषणा गरेको छ । कंगोमा प्रारम्भिक प्रकोपको क्रममा कम्तीमा ४५० जनाको मंकीपक्सबाट मृत्यु भएको छ ।

अहिले मध्य र पूर्वी अफ्रिकन राष्ट्रहरुमा यो रोग फैलिएको छ । बिफर रोग लाग्ने प्रजातिको भाइरसबाटै एमपक्सको संक्रमण हुने गर्दछ । यौन सम्पर्क, छाला सम्पर्क र अर्को व्यक्तिसँग कुरा गर्दा वा सास फेर्दा पनि यो रोग सर्न सक्छ ।

यसको लक्षण फ्लू जस्तो हुन्छ भने छालामा घाउहरू गराउँछ जुन घातक हुन्छ ।