काठमाडौं — जनकवि तथा वरिष्ठ साहित्यकार दुर्गालाल श्रेष्ठको अन्तिम बिदाइमा सरकारका मन्त्री, विभिन्न राजनीतिक दलका नेता तथा साहित्य र कला क्षेत्रका व्यक्तित्वहरू सहभागी भएका छन्। श्रेष्ठको पार्थिव शरीरमा श्रद्धाञ्जली अर्पण गर्न गृहमन्त्री, ऊर्जामन्त्रीसहित विभिन्न दलका नेता तथा शुभेच्छुकहरू उपस्थित भएका हुन्। साहित्य, गीत–संगीत र सामाजिक चेतनाका क्षेत्रमा महत्वपूर्ण योगदान दिएका श्रेष्ठप्रति अन्तिम श्रद्धाञ्जली व्यक्त गर्न ठूलो संख्यामा साहित्यकार, कलाकार र सर्वसाधारणसमेत सहभागी भएका छन्।

नेपालभाषा र नेपाली साहित्यका क्षेत्रमा लामो समयदेखि सक्रिय श्रेष्ठलाई जनताको भावना र समाजका आवाजलाई आफ्ना सिर्जनामार्फत अभिव्यक्त गर्ने स्रष्टाका रूपमा स्मरण गरिँदै आएको छ। उनका कविता, गीत तथा साहित्यिक सिर्जनाले नेपाली समाज र संस्कृतिमा छुट्टै प्रभाव पारेका छन्। अन्तिम बिदाइका क्रममा सहभागीहरूले श्रेष्ठको निधनले नेपाली साहित्य तथा नेपालभाषाको सिर्जनात्मक क्षेत्रमा ठूलो क्षति पुगेको बताएका छन्। उनीहरूले श्रेष्ठका सिर्जना र साहित्यिक योगदान आगामी पुस्ताका लागि पनि प्रेरणाको स्रोत बन्ने बताएका छन्।

विशेषगरी नेपालभाषाको साहित्यलाई जनजीवनसँग जोड्दै उनले पुर्‍याएको योगदानलाई सहभागीहरूले स्मरण गरेका थिए। कविता र गीतमार्फत सामाजिक चेतना, मानवीय संवेदना तथा मातृभाषाप्रतिको प्रेमलाई अभिव्यक्त गरेका श्रेष्ठ नेपाली साहित्यका महत्वपूर्ण स्रष्टाका रूपमा स्थापित थिए। श्रेष्ठलाईहाम्रो पनि भावपूर्ण श्रद्धाञ्जली ।