काठमाडौं । समाजवादी मोर्चाका नेताहरु छलफलमा जुटेका छन् । प्रधानमन्त्रीको सरकारी निवास बालुवाटारमा जारी छलफलमा छलफलमा प्रधानमन्त्री तथा माओवादी केन्द्रका अध्यक्ष पुष्पकमल दाहाल, एकीकृत समाजवादीका अध्यक्ष माधव कुमार नेपाल, जसपा अध्यक्ष उपेन्द्र यादव, नेकपाका महासचिव विप्लव लगायतका नेताहरु सहभागी छन् ।
बैठकमा नेकपा नेताविरुद्ध भएको पक्राउ पुर्जी जारी, सरकारको एक वर्षे समीक्षा, आगामी राष्ट्रिय सभा निर्वाचनलगायतका विषयमा छलफल भइरहेको बताइएको छ । समाजवादी मोर्चामा सम्बद्ध नेकपाका महासचिव विप्लव र प्रवक्ता प्रकाण्डमाथि जिल्ला अदालत काठमाडौंले पक्राउ पूर्जी जारी गरेको थियो ।
प्रतिक्रिया
सम्बन्धित खवर
