एजेन्सी । भेनेजुएलाकी नोबेल शान्ति पुरस्कार विजेता मारिया कोरिना माचाडोले अमेरिकी राष्ट्रपति डोनाल्ड ट्रम्पलाई आफ्नो पदक प्रदान गरेकी छन् ।
विपक्षी नेता समेत रहेकी माचाडोले पत्रकारहरूसमक्ष ट्रम्पलाई पदक सुम्पिएको बताइन् । ह्वाइट हाउसको एक निजी बैठकमा पदक हस्तान्तरण गरेको उनको भनाइ छ । तर ट्रम्पले पुरस्कार स्वीकार गरे कि गरेनन् भन्नेबारे खुलाइएको छैन ।
नोबेल शान्ति पुरस्कार पाउने आफ्नो इच्छाको बारेमा प्रायः बोल्ने ट्रम्पले माचाडोले पुरस्कार पाउँदा असन्तुष्टि व्यक्त गरेका थिए । माचाडोले गत हप्ता ट्रम्पसँग पुरस्कार साझा गर्ने बताए पनि नोबेल समितिले हस्तान्तरण योग्य नभएको स्पष्ट पारेको थियो ।

भेनेजुएलाका राष्ट्रपतिलाई हटाएका ट्रम्पले २०२४ को निर्वाचनमा विजयको दाबी गरिएकी माचाडोलाई नयाँ नेताको रूपमा समर्थन गर्न अस्वीकार गरेका छन् । माचाडोले वाशिंगटन भ्रमणको क्रममा अमेरिकी सिनेटरहरूलाई भेट्न कंग्रेसको भ्रमण पनि गरेकी थिइन् ।

उता भेनेजुएलाको तेल ढुवानी गर्ने शंका गरिएको छैटौं तेल ट्यांकरको पानीजहाज पनि अमेरिकाले कब्जा गरेको छ । भेनेजुएला सरकारका एक राजदूतले अमेरिकी अधिकारीलाई भेट्न र दूतावास पुनस् खोल्न वाशिंगटनको यात्रा गर्ने अपेक्षा गरिएको जनाइएको छ ।