काठमाडौं । सरकारले आगामी निर्वाचनलाई ध्यानमा राख्दै फागुन २० देखि २२ गतेसम्म तीन दिन सार्वजनिक बिदा दिने निर्णय गरेको छ ।
आज बसेको मन्त्रिपरिषद् बैठकले सर्वसम्मत रूपमा यो निर्णय गरेको हो । सरकारका प्रवक्ता अनुसार, निर्वाचन आयोगको सिफारिसलाई ध्यानमा राख्दै मतदानमा बढीभन्दा बढी सहभागिता सुनिश्चित गर्न बिदा घोषणा गरिएको हो ।
निर्वाचन आयोगले मतदानको प्रतिशत बढाउन र जनतालाई सजिलै मतदानमा सहभागी गराउन सरकारसमक्ष बिदा दिन सिफारिस गरेको थियो । यस निर्णयअनुसार, सरकारी कार्यालय, बैंक, शैक्षिक संस्था र अन्य कार्यालयहरूले उक्त तीन दिन बिदा हुनेछन् ।
विशेषज्ञहरूले यस कदमलाई लोकतान्त्रिक प्रक्रियामा जनताको सहभागिता बढाउने सकारात्मक प्रयासको रूपमा मूल्यांकन गरेका छन् । बिदाको दिनको सदुपयोग गर्दै मतदानमा सहभागी हुन् र लोकतन्त्र सुदृढ गर्न आफ्नो कर्तव्य पूरा गर्न सरकारले सरकारले आम जनतालाई अपील गरेको छ ।
